kutubhona

Жиҳод мутлақ фарздир. Зеро у ҳеч нарса билан муқайяд бўлмаган ва унга ҳеч нарса шарт қилинмаган. Унинг ҳақида оят мутлақ келган:

كُتِبَ عَلَيْكُمُ الْقِتَالُ
«Сизларга жанг қилишингиз фарз қилинди» [Бақара: 216]

Халифанинг бор ёки йўқ бўлишининг жиҳод фарзлигига дахли йўқ. Аксинча жиҳод, мусулмонлар халифаси борми ёки йўқми, бундан қатъий назар фарздир. Лекин мусулмонларнинг шаръан халифалик битими боғланган халифаси бор бўлса ва у бу битимдан бирон сабаб билан чиқмаган бўлса, у ҳолда, модомики у халифа экан, жиҳод иши шу халифага ва унинг ижтиҳодига топширилади. У ҳатто фожир бўлса ҳам – модомики халифалик мансабида қолар экан ва фуқаронинг унинг раъйига итоат қилиши лозим бўлиб қолаверар экан – бу иш унга топширилади. У гарчи мусулмонлардан қайси бирини бир фожир амир билан биргаликда ғазот қилишга буюрса ҳам унинг амрига итоат қилинади. Бунга далил Абу Довуд Абу Ҳурайрадан ривоят қилган ушбу ҳадисдир: Росулуллоҳ с.а.в. дедилар:

«الْجِهَادُ وَاجِبٌ عَلَيْكُمْ مَعَ كُلِّ أَمِيرٍ بَرًّا كَانَ أَوْ فَاجِرًا»

«Яхши бўладими ёки фожир бўладими, ҳар бир амир билан жиҳод қилиш сизларга вожибдир».

Мусулмонлар халифаси ҳамма вақт шахсан ўзи чиқиши ёки мусулмонлардан иборат армия ва сарийяларни юбориш учун бутун куч-ғайратини сарфлаши лозим. Қолаверса у Аллоҳ Таолонинг нусрат бериш ҳақидаги ваъдасига аниқ ишониши лозим. Аллоҳ Таоло деди:

يَا أَيُّهَا الَّذِينَ آمَنُوا إِن تَنصُرُوا اللَّهَ يَنصُرْكُمْ
«Эй мўминлар, агар сизлар Аллоҳга ёрдам берсангизлар (яъни Унинг йўлида жиҳод қилсангизлар), У зот ҳам сизларга ёрдам берур» [Муҳаммад: 7]

Халифа аввало кофирлар ҳужумидан сақланиш учун юрт атрофига армияларни жойлаштириб чиқиши лозим. Халифанинг чегарадан бирон бир қисмини душманга қарши бемалол жанг қила оладиган мусулмонлар жамоатидан холи қилиб, бўш қўйиб қўйиши ҳечам жоиз эмас. Аксинча ҳамма чегаралар доим исломий армия билан лиқ тўлиб туриши лозим. Халифанинг мусулмонларни ва уларнинг юртларини душман